नेपाली हास्यव्यङ्ग्य अनलाइन पत्रिका

मल्ल कालमा नयाँ मठ मन्दिर बनाउन शायद त्यति गाह्रो भएन
जति हामीलाई उनले बनाइदिएका मठ मन्दिर जोगाउन गाह्रो भइरहेछ

पृथ्वी नारायण शाहलाई नयाँ नेपाल बनाउन र फैलाउन शायद त्यति गाह्रो भएन
जति हामीलाई उनले बनाइदिएको देश जोगाउन गाह्रो भइरहेछ

जङ्ग बहादुरलाई नयाँ सीमास्तम्भ गाड्न शायद त्यति गाह्रो भएन
जति हामीलाइ उनले गाडिदिएका सीमास्तम्भ जोगाउन गाह्रो भइरहेछ

राणा शासकहरूलाई नयाँ दरबारहरू बनाउन शायद त्यति गाह्रो भएन
जाति हामीलाई ती दरबारहरूको मरम्मत–सम्भार गर्न गाह्रो भइरहेछ

राजा महेन्द्रलाइ प्रवासी नेपालीलाई स्वदेश भित्र्याउन शायद त्यति गाह्रो भएन
जाति हामीलाई स्वदेशका नेपालीलाई स्वदेशमै राख्न गाह्रो भइरहेछ

जति शान्ति सम्पत्ति र संस्कृति पुर्खाले बनाएर कमाएर दिएर गएका थिए
त्यसमा थप्नु त कता हो कता, हामीलाई त त्यति जोगाउन र जोगिनै गाह्रो भइरहेछ

कत्रो थियो यो देश, कहाँ थियो, कता जाँदै थियो र अहिले कता गइरहेछ ?
यो अधोगतिमा देश कसले लगिरहेछ ? नेपालीको सामथ्र्यलाई के भइरहेछ ?
नेपालीको सामर्थ्यलाई के भइरहेछ ?

बत्तिसपुतली, काठमाडौँ