रेड इन्डियन
राम्रा–राम्रा अत्याधुनिक सवारीमा, कोही रङ्गीचङ्गी टाला जोडेर बनाएका मेखला लगाएका, कोही टाउकामा फेटा बाँधेर कछाड बेरेका, कोही स्थान विशेष र तापक्रम विशेषसँग मेल नखाने लुगा लगाएका आदि मानिसहरू चढ्दै जाँदै गरेको देखेर छक्क परेकी छोरीले प्रश्न राखिन्– ‘आमा, यी मानिसहरूले किन यस्ता अनौठा लुगा लगाएका ?’
‘यी हाम्रा परम्परा र संस्कृति हुन् छोरी’– संस्कृतिको ज्ञान भएकी आमाले संक्षिप्त उत्तर दिइन् ।
‘अनि हाम्रो संस्कृति र अहिले हामी उपभोग गर्न लालायित वैज्ञानिक सुबिधाको शुरुवात एकै समयमा भएको हो र’–छोरी जिज्ञासु भै ।
‘हुन त हैन’– आमा लरबरिइन् ।
‘त्यसो भए हाम्रा परम्परा र संस्कृति समयसँगै किन हिँड्न सक्तैनन् ?’– छोरीले अर्को प्रश्न थपी ।
‘हाम्रो पनि रेड इन्डियन बन्ने पहिचान गुम्ला भन्ने डरले छोरी’– आमाले कुरा टुङ्ग्याइन् ।
जुरोपानी–४, झापा
हाल, काठमाडौँ