नेपाली हास्यव्यङ्ग्य अनलाइन पत्रिका

दोस्रो पत्र

रुप सुकेको फूल जस्तो
मुस्कान पनि
औँशीको त्यो जून जस्तो
थाहै पाइन तिमीमा कसरी दिल बस्यो
भन्नै सक्दिन अझै 
यो प्रेम तिमीमा कसरी फस्यो
क्रिम लाउँदा पनि भैँसीकी पाडी जस्ती
बोलाउँदा पनि सुसाउने बाढी जस्ती
एक दिन प्रेमपत्र लेखेर
तिम्रो घरको पर्खालबाट फाले
भकर्नुसम्म भकुरे तिम्रा बाले
त्यसपछि त तिम्रो घरको बाटो नै आइँन
आउँ भने पनि
तिमीबाट कुनै प्रतिकृया नै पाइँन ।

उनको पत्र

तिमी पनि हावा नभको पाङ्ग्रा जस्ता
फेसन पनि बाक्सी परेका भाङ्ग्रा जस्ता
पढाइ लेखाइ छैन सुर्ति खैनी हातमा
कौडी पनि नकमाउनेको करोड छ बातमा
वासा पनि तिमीले खाने
तुम्बा पनि तिमी नै खाने
भट्टीकी साउनीदेखि
डिस्कोकी बाख्रीसम्मको
चुम्बा पनि तिमीले नै खाने
यस्ता लट्टे भाङ्ग्रेसँग पनि कसैले मायाँ लाउँछ
आज विवाह गरेर भोलि अदालत कसले धाउँछ
बाले ठोके दाइले ठोके, अब टोलले पनि ठोक्ला
यस्तै चाला गर्यौ भने कलले पनि बोक्ला ।

अन्तिम पत्र

सक्छ्यौ भने हेर प्रिया
बुढीकन्या बस्नू
सकेनौ भने साठी बर्षे
युवासँग नै फस्नू
त्यो पनि सकेनौ भने
म त छँदैछु प्रिय
मन फिर्यो भने
मेरै घरतिर पस्नू ।
दाङ, हाल– काठमाडौं