नेपाली हास्यव्यङ्ग्य अनलाइन पत्रिका

१.
दुधको दुध पानीको पानी छुट्याई देऊ न प्रभु
आँखाबाट भ्रम र नानी छुट्याई देऊ न प्रभु
जसलाई हेर्यो राम्रो देख्ने आँखा हो या उमेर !
आजैदेखि यस्तो बानी छुट्याई देऊ न प्रभु ।

२.
जिन्दगी यो उस्तै रै’छ जति जाने बुझे पनि
हेर्नेले त अन्तै हेर्छ आँसु बगाई रूझे पनि
आस्था राखी पूजा गरें, ढुङ्गालाई देवता मानें
ढुङ्गा आखिर ढुङ्गै रै’छ देवतै मानी पुजे पनि ।