काशीनाथ मिश्रितसिंहदरबारमा स्यालको बास
सिंहदरबारमा स्यालको बास भो
संविधान बन्नको खैर के आस भो !
गर्दछन् मासुको मात्र आहार यी
देशको सम्पत्ति एउटै गास भो ।
कानुनी राज्यको स्वाङ के पार्दछौ ?
चोरको बिगबिगी फैलिँदा त्रास भो ।
खै त स्वाधीनता, स्वाभिमानीपन ?
लत्रिने बानीले देश नै दास भो ।
स्यालको “हुइय !“मा घोर शङ्का उठ्यो ।
देश नै बेचिने सूक्ष्म आभास भो ।
बम्घा, गुल्मी
Subscribe
Login
0 Comments
Oldest
