नेपाली हास्यव्यङ्ग्य अनलाइन पत्रिका

किन बन्यो, कसरी बन्यो ? विचार बनाउँदै थियो
विचार नदी हो भनेर, किनार बनाउँदै थियो ।

ऊ यही संसारमा थियो, संसार बन्नुभन्दा अघि
यही संसारमा बसेर, संसार बनाउँदै थियो ।

न हड्डी न त मासु थियो, न त शरीरमा शरीर
पहिले फोक्सोमा सासको, आकार बनाउँदै थियो ।

ऊ जन्मिनुअघि म जन्में म जन्मिनुअघि ऊ जन्म्यो
विचित्र चित्र मभित्र अपार बनाउँदै थियो ।

मैले सोधेको ‘के हो’ लाई हाम्रो भाग्य यही हो भन्दै
दुईटा आँखाभन्दा माथि, निधार बनाउँदै थियो ।