नेपाली हास्यव्यङ्ग्य अनलाइन पत्रिका

वरिष्ठ गायक एंव संगीतकार फत्तेमान राजभण्डारीको स्मृतिमा प्रकाशित ग्रन्थ ‘सम्झनामा फत्तेमान’ को नेपाल संगीत तथा नाट्य प्रज्ञा प्रतिस्ठानका कुलपति सरुभक्तले जेठ २३ गते विमोचन गर्नु भयो ।

नेपाल प्रज्ञा प्रतिष्ठान, कमलादीस्थित प्रवचन हलमा गायक शैलेश सिंहले ‘वनै खायो डढेलोले’, यु.के केसीले ‘रक्तिम अधर छ’, संगीता शाक्यले ‘यस्तो पनि हुँदो रैछ’ फत्तेमानका गीतहरू गाएका थिए ।

कार्यक्रममा साहित्यकार, संगीतकारको ठूलो उपस्थिति रहेको थियो । बासुशशी स्मृति परिषदका अध्यक्ष कृष्ण जोशी सभापति रहेका थिए ।परिषदका सदस्य सचिव एंव ग्रन्थका सम्पादक प्रद्मुम्न जोशीले स्वागत गरेका थिए ।

कार्यक्रममा साहित्यकार यादव खरेल, प्रज्ञा प्रतिष्ठानका उपकुलपति डा विष्णुविभु घिमिरे, संगीतकार शम्भुजीत बास्कोटा, रत्न सम्सेर थापा र गायक फत्तेमानराज भण्डारीकी धर्मपत्नी श्रीमती जमुना राजभण्डारी आदिको उपस्थिति रहेको थियो । वक्ताहरूले फत्तेमानको सांगीतिक जीवन र उनको सादा जीवन बारे प्रकाश पारेका थिए ।