रमेश समर्थनकुर्सी
आहा ! मेरो निम्ति ससुराल भयो कुर्सी
गोजीमा राख्न मिल्ने रुमाल भयो कुर्सी ।
मानौं म चाहना हुँ उसको युगौंयुगौंको
पाई मलाई आज निहाल भयो कुर्सी ।
कुर्सीलाई व्यक्ति हैन, कुर्सी व्यक्तिलाई
मेरै निमित्त फेरि बहाल भयो कुर्सी ।
कसैले नि मूल्य यसको बुझ्न सकेनछ
अरूलाई त्यसैले बबाल भयो कुर्सी ।
थियो धनी कुर्सी पैलेम गएर बस्दा
ऐले छोडेर हिँड्दा कङ्गाल भयो कुर्सी ।
बसूँ सुतूँ पौडूँ हिलो लगाऊँ जत्ति नै
भैंसी हुँ म, साउनको आहाल भयो कुर्सी ।
बुटवल
Subscribe
Login
0 Comments
Oldest
