नेपाली हास्यव्यङ्ग्य अनलाइन पत्रिका

(गाईजात्रा– २०७३)

१. असिना होस् ! भूकम्प होस् ! खडेरी होस् ! जे होस् !
यहाँ कतै उज्यालै छ कुनै रोउन् ! मरुन् !

२. राजनीति सधैं होक्काँ साँढे गर्जन छ !
नेपालमा मात्र हो र ? दुख्खी जे जे हउन् !

३. होइन यो समाचार हो कि रुद्री पाठ !
सधैं सधैं एकै कुरा ! खाल्टा जति बढुन् !

४. देश तल ! अर्थशास्त्री विवरण भन्छ !
पैसाको त खोलै बग्छ ! निर्धा तलै परुन् !

५. पुरस्कार बढेका छन् तिरस्कारै जेठो !
केही मख्ख ! धेरै हस्स ! मार्का खप्ने खपुन् !

६. अचेल त सुविधाको ओइरो लागेको छ !
ठाउँ वस ! राम्रो वास ! अरु भड्खालियुन् !

७. कम्प्युटर जुग आयो ! हेर्दा अर्कै जुग !
मर्न बाँच्न कति सारो ! खप्ने खपि रहुन् !

८. गजबे छन् यहाँ धेरै अरु उल्ल्याउने !
उल्लु पार ! मोज मार ! मर्ने मरि रहून् !

झर्रो नेपाली घर, चन्द्रगढी झापा