राकेश कार्कीबिना विभागीय मन्त्री
साधु त पलेँटी ठोकेर राम राम गर्छन्
बिना विभागीय मंत्री के काम गर्छन्
बानी नै नपरेको यो सुख्खा तलव
विभागीय मंत्री चाहिँ दाम दाम गर्छन्
हाँगो सप्पै चहारि फल चाखे पछि
रूखको त्यो छहारी छोडि घाम घाम गर्छन्
लौ कसो गरि सहनु नहेर्नु उफ् !
स्वयम् बस्या कुर्सीमा अरू ताम झाम गर्छन्
धर्म मान्ने नमान्नेमा विभाग गुम्दा
अर्कैकी मंत्राणी अब चारधाम गर्छन् ।
लस एन्जेलस
Subscribe
Login
0 Comments
Oldest
