आयो रे

height= यो हो फेसबुके चुनाव महिमा चर्को छ चर्को छ रे
आए धेर यहाँ नयाँ सडकमा लर्को छ लर्को छ रे {{read_more}}
तारे चार कतै छ लाल कलिलो गाँठो परेको अरे
आयो स्वाद नयाँ छ माल मलिलो आजै झरेको अरे

गाली आज उही थियो विगतमा जे जे कथा लोकमा
धारे हात उही अहो जगतमा जागे सखे झोकमा
दैलोमा अनुहार धेर रमिता माग्ने बने यी सखा
मागे भोट तिरेर नोट बरिलै मौका छ प्यारे ल खा

वामै वाम मिले अहो गजब भो कोही रमाए यहाँ
लौ लौ शेर गयो गयो बगरमा भन्दै जमाए यहाँ
के के हुन्छ कता कता नर सबै देखिन्छ देखिन्छ है
हाम्रो काम यही पढौं गजलमा लेखिन्छ लेखिन्छ है

दाजी विक्रमजी कडा समरमा पाण्डे बडा जोडले
सीताकान्त अहो भिडे गजब भो लड्ने भए तोडले
यी दाहाल प्रचण्ड वीर अहिले “हीरो “भए कर्मले
आशा हो जगको अरे कमलजी खानू सधैं धर्मले

ओली यी रसिला उखान गतिला जोडेर आए अरे
जे जे राग अलाप राप रमिता छोडेर आए अरे
लाली लाल हुने रुने सब धुने कालो र मैलो अरे
स्थायी शासन रे अरे सब अरे के के हुने हो भरे ?

चितवन

News Views: 674

धनराज गिरी प्रकाशित मिति : मंसिर ३, २०७४