हरि खनालठोक्तकका ६ सोइला
१.नेपाली जनता र नेता
जति जोते पनि खान नमाग्ने
जति दुखे पनि रुन नजान्ने
सपना बाँड्दा लगाएको टीको
रिस उठे पनि धून नजान्ने {{read_more}}
२.नेता
सधैँभरि पराईकै आस गर्छंन् ।
घरि घरि उतैतिर बास गर्छंन् ।
मुलुकलाई बन्धक बनाएर
हाम्रा नेता सत्ताको सास फेर्छन् ।
३.
नेताले सपनाको पेडा बनाउँछ
सिधालाई बङ्ग्याएर टेढा बनाउँछ ।
संसारकै उत्कृष्ट प्रणाली हो लोकतन्त्र
जनताले आफैंलाई भेडा बनाउँछ ।।
४.
चुनाव अघि विकासको नारा खोक्नु छ
झण्डा समातेर हिडौं नारा घोक्नु छ
टाउको बलियो बनाऊ है जनताहरू
चुनाव लगतै करको ठूलो भारी बोक्नु छ ।।
५.
सानाले गर्याठ बेस हुँदो रैन्छ ।
ठूलाले गर्याय केश हुँदो रैन्छ
हेर्दैछु म लोकतन्त्रका झाँकीहरू
लोकतन्त्रमा प्यारो देश हुँदो रैन्छ ।।
६.
धर्तीले आकाशलाई विहे गरी ल्याएको छ
रातसँग मध्यान्हले चुम्वन गर्न भ्याएको छ
यहाँ हुने र नहुनेको सीमा खोज्न कठीन छ
आउनुहोस् विगुती खाउँ यहाँ गोरु ब्याएको छ ।।
धादिङ, हाल : काठमाडौं
