प्रेम ओली ढकलपुरेवा प्रजातन्त्र !
चुनाव आयो नेता 
जनताको वरपर
चुनाव सकिएपछि प्रजा परपर {{read_more}}
कतै नपाइने हाँडीगाउँको तन्त्र
वा प्रजातन्त्र !
धनी धनाड्य सधैं
शक्तिको वरपर
चाकडी चाप्लुसी पनि
सत्ताकै वरपर
बिचरा प्रजा, जा परपर
कस्तो अनौठो तन्त्र
वा प्रजातन्त्र !
हुने खालेलाई त यहाँ सधैं प्रजातन्त्र
जनतालाई यो देखाउने जन्त्र
निमुखालाई यो फकाउने मन्त्र
कागलाई बेल पाक्यो
हर्ष न बर्ष जस्तो यो तन्त्र
वा प्रजातन्त्र !
राणाले पनि भन्थे प्रजातन्त्र छ
राजाले पनि भन्थे प्रजातन्त्र छ
अहिले पनि नेता भन्दैछन् प्रजातन्त्र छ
तर अर्को थरी भन्दैछ
अझै ल्याउनुछ प्रजातन्त्र
जनताको लागि कहिलै नआउने कस्तो तन्त्र
वा प्रजातन्त्र !
दाङ, हाल काठमाडौं
Subscribe
Login
0 Comments
Oldest
