नेपाली हास्यव्यङ्ग्य अनलाइन पत्रिका

कलम छोडेर तरबार चलाउन सिकायौ किन ?
आतंक छोडेर घरबार जलाउन सिकायौ किन ?

तिमी त खडेरीले सुकी सकेका थियौ
मलाई बारबार पलाउन सिकायौ किन ?

आफू त उता सुरक्षित थियौ जङ्गलभित्र
हामीलाई दरबार ढलाउन सिकायौ किन ?

त्यो खेतमा बिउ त अमृतकै रोपेको थियो
तर फल बिषदार फलाउन सिकायौ किन ?

थाहा थियो अवस्था यस्तै हुन्छ भन्ने कुरा
नोकरलाई सरदार बनाउन सिकायौ किन ?

हाल ताहाचल, काठमाडौं