नेपाली हास्यव्यङ्ग्य अनलाइन पत्रिका

आमा–काकीको लागि झारो टार्न,
दिदि–बैनी सबलाई मख्ख पार्न,
हल्ला खल्ला मच्चाउँदै ताम्झामले
आओ भाई हो ! गरौं सराद्दे धुधधामले ।

बाजेले खोजे झैं, काका–बाले खोजे झैं
हामी पनि खोजौ पैतृक् कालो बिरालो
अनि बाधौं आठ मार्चको तिथिमा
र, गरौं सराद्दे घर घरमा !

बाचा गरौं यो सराद्देमा,
हजुरआमा, अब तपाइँ बोक्सी बन्नु पर्ने छैन ।
आमा, तपाइँलाई विधवा भनिने छैन ।
दिदी, अब तिरस्कृत हुने छैनौ तिमी ।
बैनी, अब बलात्कृत हुने छैनौ तिमी ।
छिमेकका सबै महिलालाई भनूँ अब गए दुखका दिन,
र भनूँ सबैलाई– अब सुरु भए सुखका क्षण ।

भाइ हो ! बिरालो फेरि एक वर्षमा खोजौंला
अरु सराद्देको विधि फेरि रोजौंला ।
अर्को पटक जे जसो गरौंला !
आओ, यसपटक बाधौं बिरालो आठ मार्चको तिथिमा,
र, गरौं सराद्दे बाराजुकै थितिमा !
हाल : काठमाडौं