नेपाली हास्यव्यङ्ग्य अनलाइन पत्रिका

एक्काले एकदिन पक्का ल्याउँछ संविधान
दुवाले दाउ खोज्न थाल्छ संविधान
तिर्कीले तिकडम जब लाउँछ संविधान
चौकाले मौका अनि पाउँछ संविधान ।

पञ्जाले फन्दामा पार्छ संविधान
छक्काले छ्क्याई अनि ठोक्छ संविधान
सत्ताले सबको सातो लिन्छ संविधान
अट्ठाले ऐठन जब पार्छ संविधान ।

नहरको रहर बन्छ बगर संविधान
दहरले दनक अनि दिन्छ संविधान
गुलामले सलाम जब ठोक्छ संविधान
मिस्सीले मस्किएर हेर्दा संविधान
बास्साको अँगालोमा च्याप्पै संविधान ।

बत्तिसपुत्तली, काठमाडौं