नेपाली हास्यव्यङ्ग्य अनलाइन पत्रिका

अमर अधिकारी

(मन्दिरको छेउँमा रहेको बेञ्चमा वृद्ध र तन्नेरी गफ गर्दैगर्दा)
वृद्ध: एक छिन पख्नुस् है ! बुढीको फोन आयो।
(अलि पछि)
तन्नेरीः पख्नुस् है ! तरुनीको फोन आयो।
-१-

(बस गुड्दैगर्दा)
सहचालकः बसुन्धरा झर्ने छ?
यात्रुः बसुन्धरा त हैन उठुन्धरा झर्ने छ। सिटबाट उठेर झर्नुपर्ने भएपछि उठुन्धरा भन्नुपरेन त !

-२-

(टोलमा दुई अधबैँसे महिला गफ गर्दै)
पहिलोः त्यो केटी त लिपपोत गर्न सिपालु छे, बुहारी बनाइहाल्नुस् !
दोस्रोः रङ लगाइएको हाम्रो पक्की घरलाई किन लिपपोत गर्नुपर्याे ?
पहिलोः त्यो भन्या होइन नि त ! उसले आफ्नो अनुहारमा क्रिम पाउडर घसिरहने भएर भन्या हो।
-३-

(घरको गेट बाहिर बाटो छेउँमा दाँत माझ्दै एक महिला)
छिमेकी महिला १: कम्पाउण्डभित्रै बसेर माझ न दाँत, बटुवालाई देखाएर माझ्नुपर्छ र ?
छिमेकी महिला २: दिनहुँ दाँत माझ्दिरहिछे भनेर देखाउनुपरेन त अरुलाई ?
-४-

०००
खुंग्री, रोल्पा। हालः बुढानिलकण्ठ, काठमाडौँ।