काशीनाथ मिश्रितके थालियो ?
रोजगारी भए बस्दथे देशमै खाडीमा छन् युवा देश भो खालि यो ।
काशीनाथ मिश्रित :
चेतनाको दियो गाउँमा बालियो
त्यो ठुलो स्तम्भ राजतन्त्रको ढालियो ।
एकताबद्ध भै त्यो निरङ्कुशता
फेरि उठ्नै नसक्ने गरी फालियो ।
लौ नयाँ मोडमा देश यो गइसक्यो
उन्नति हुन्छ यै भावना पालियो !!
प्वाल छन् देशमा लाख लाखौँतिर
आज सत्कर्मले खै कहाँ टालियो ?
पाइला टेक्दछन् शत्रुले सुस्तरी
रोक्नका लागि खै के कदम चालियो ?
बेचियो कारखाना ठुला देशका
खै कहाँ कुन नयाँ काम के थालियो ?
क्यै गरौँ क्यै गरौँ भन्दछन् जो सदा
रोक्न पो ! रीट सर्वोच्चमा हालियो ।
रोजगारी भए बस्दथे देशमै
खाडीमा छन् युवा देश भो खालि यो ।
फूलबारी छ यो स्वर्गकै नन्दन
विज्ञले भन्दछन् दुष्ट हो माली यो !!
०००
फोक्सिङ, गुल्मी
Subscribe
Login
0 Comments
Oldest
