नेपाली हास्यव्यङ्ग्य अनलाइन पत्रिका

अमर सन्तति :

१.
पाइला पछि सार्ने पालो तपाईंको हो
झेली खेल हार्ने पालो तपाईंको हो
कति रुवाउनु हुन्छ हामीलाई मात्र !
अब आँसु झार्ने पालो तपाईंकाे हो ।

२.
यस्तै भ्रष्ट मति धान्छौ कि के हो ?
अझै तीव्र गति हान्छौ कि के हो ?
भन ए ! धर्तीका पिराहा बोझहरू,
कालो धनको सती जान्छौ कि के हो ?

३.
जग्गा चाहियो, टाढा रहेछ, थाहा भयो चुनिखेल
हेरेको थिएँ, राम्रै थियो, डाँडामहाँ भयो धुलिखेल
लौन हजुर मिलाई हालौँ मालदेखि दरबारसम्म,
चट्ट मिल्या यहाँ पाइयो, आहा ! भयो टुँडिखेल ।

०००
भक्तपुर ।