नेपाली हास्यव्यङ्ग्य अनलाइन पत्रिका

रमेश समर्थन :

१.
यसरी उसले आफ्नो र बाको जीवन बँचाएको छ
ताली पिटाएको छ अनि तमासेलाई हँसाएको छ
बाले नचाउने भालु मरेपछि त उसले अहिले
बालाई नै भालुको छाला ओढाएर नचाएको छ ।

२.
तिमीले कसैबाट केही लिन बाँकी छ ?
अथवा कसैलाई केही दिन बाँकी छ ?
छैन भने के जोखना हेरेको हो भनिदेऊ
पीडितले इन्साफ पाउन किन बाँकी छ ?

३.
कि त ऊ गोलीविनाकोे खोको हुनुपर्छ
अथवा आफ्नो भाग नदेखेर रो’को हुनुपर्छ
बिलौना मात्रै गरेको देख्छु उसलाई सधैँ
असन्तुिष्ट र मृगतृष्णाको पोको हुनुपर्छ ।

४.
बिहान चाहिएको हुन्छ, चिहान पठाउँछन्‌
शान्ति चाहिएको हुन्छ, तुफान पठाउँछन्‌
बिरामी हुुँदा अस्पताल पुग्ने बाटो हुँदैन
मरेपछि उद्धारका निम्ति विमान पठाउँछन् ।

०००
रुपन्देही
बदनाम आँचल (२०८२)