नेपाली हास्यव्यङ्ग्य अनलाइन पत्रिका

भागिरथा र छविलाल खरेलका सुपुत्र पुण्यप्रसाद खरेल २००७ चैत्र २५ गते, आमेबुङ, ताप्लेजुङमा जन्मिनुभएको हो । उहाँ हाल झापा बस्नुहुन्छ । स्नातक तहसम्मको औपचारिक अध्ययन पूरा गर्नुभएका खरेल शिक्षण सेवाबाट निवृत्त हुनुहुन्छ । २०३१ सालमा मातृभूमि साप्ताहिकमा ‘छोरोको हत्या’ शीर्षकको कथा प्रकाशन गरी साहित्यिक यात्रामा सरिक खरेलको पहिलो कृति ‘सङ्गालिएका प्रतिविम्बहरू’ (कवितासङ्ग्रह, २०४९) प्रकाशित भएको थियो । उहाँका ‘पुनर्वहाली’ (कथासङ्ग्रह, २०५४), ‘घुमिफिरी रुम्जाटार’ (नियात्रा, २०५९) लगायत कृतिहरू प्रकाशित छन् ।