नेपाली हास्यव्यङ्ग्य अनलाइन पत्रिका

चेवन बस्नेत ठूलाघरे :

मुमा सबैकी प्रणयी बनी दिने ।
समान सासू प्रियता बुनी लिने ।।
दुबै उज्यालो दिप झैँ हिँडे पछि ।
अबाध सासू र मुमा खुब खुसी ।।१।।

जलाउ पीडा असली मुमाहरू ।
निचोर काला विरही मुनाहरू ।।
मिलाउ आत्मा सुख भोग गनी ।
रमाउ सासू अनि ती मुमा पनि ।।२।।

सबै सबैका मन दौडिए पनि ।
हतारले ती दिल पौडिए पनि ।।
निकास सोँच्दै जन भावना भरी ।
जुटेर सासू र मुमा सयौँ घडी ।।३।।

जमाउ किल्ला सबका अधीश ती ।
बनेर सासू अनि ती मुमा पनि ।।
हिँडेर गन्तव्य पुगे जमाउँदै ।
लु हेर सासू र मुमा रमाउँदै ।।४।।

बने तपस्वी परिवारमा उनी ।
सजीव उत्साह उठाउँदै कमी ।।
ढिलो गरे कर्म पछाडि जान्छ कि ।
भनेर सासू र मुमा सचेत ती ।।५।।

०००
धर्मदेवी न.पा. ९, पपाँगु, सङ्खुवासभा