नेपाली हास्यव्यङ्ग्य अनलाइन पत्रिका

सिर्जना खनाल :

नेपालीका घर आँगनमा
छाप बसाल्ने मन प्राङ्गणमा ।
पुष्पित बास्ना मगमग पारा
भानु बनेका सबका प्यारा ।१।

कृष्ण धनन्जय बाबु र बाजे
सक्षम पार्ने नाता ठाने ।
ज्ञान पिलाए निशदिन धारा
भानु बनेका सबका प्यारा।२।

आज्ञा गर्ने अधिक रहन्छन्
पालन गर्ने कुन कति हुन्छन्
अनुशासनमा अग्रिम सारा
भानु बनेका सबका प्यारा ।३।

भाषाशैली भाव शसक्त
छन्दकलाका मानवभक्त ।
दर्शन ठान्छौ ज्ञानसहारा
भानु बनेका सबका प्यारा।४।

लेखनकार्य छ जति पनि सिद्ध
जन्म छ सार्थक विश्व प्रशिद्ध ।
अमृत पिएका अविरल धारा
भानु बनेका सबका प्यारा ।५।

०००
भैरहवा , रूपन्देही