नेपाली हास्यव्यङ्ग्य अनलाइन पत्रिका

डा. विदुर चालिसे :

“जे आउँछ, मुलाले पचाउँछ !”

ओैषधी उत्पादन कम्पनीहरूमा निकै त्रास र तनाव फैलिएथ्यो । पाचक उत्पादक हजमोला जस्तन कम्पनीहरू निधारमा हात राखेर सुस्केराले निरास स्वरमा बर्बराइरहन्थे ।
– “पहाडिया मुलाले हाम्रो भाउ घटायो !”

ओैषधी एवं हजमोला कम्पनीको शिखर सम्मेलनमा मुलाको चर्किएको भाउ र बढेको गुणवता शक्ति देखेर तिनले मुलालाई नयाँ ब्राण्डको पेटेण्ट राइट स्वीकृति दिने सुविचार गरेर प्रस्ताव गरे ।
– “हाई प्रोफाइलको मुला !”

शिखर सम्मेलनमा पेटेण्ट राइट स्वीकृत गर्ने कम्पनीहरू एक दिन उनीहरू घुम्दै पहाडको बाटोतिर लागे । उनीहरूले त्यहाँ डोरीमा झुण्ड्याएको रातो मुलालाई देखेर ठेलगाडाको सब्जी व्यापारी छेउ गएर सोधे ।
– “यो के हो, साहुनी ?”
– “हाम्रो देशको जनताको भाग्य विधाता !”

कम्पनीका मालिक र त्यसका विशेषज्ञहरूलाई तिनको कुरा सुनेर अचम्म लाग्यो । शिखर सम्मेलनमा आयुर्वेद र ओैषधी विज्ञानलाई चुनौती दिएको मुलालाई ठेलागाडाका व्यापारीले झुण्ड्याएर राखेको देखेर उनीहरूले व्यापारीलाई फेरि सोधे ।
– “तपाईंको देशको जनताको भाग्य विधाता कसरी ?”
उनले नयाँ अनुहारका क्रेताहरूको अनुहार, भाषा र प्रश्नबाट तत्काल नयाँ अनुमान काड्दै भनिन् ।
– “यो छुद्र ग्रह हो !”

आयुर्वेद र आधुनिक ओैषधी विज्ञानका वैज्ञानिकहरू फेरि प्रयोगशालामा फर्केर अनुसन्धानमा निष्कर्ष निकाले ।
– “मुला त छुद्र ग्रह पो रहेछ !”
छुद्र ग्रहको पीडा र मुलाको पाचन शक्तिका बिचमा ठेलागाडा वालाको देशसँग खासखास अन्तर थिएन । राजकाज थियो । मात्रै थियो ।
– “भाँडभैलो !”

०००
काठमाडौं