बूँद रानाहाइफाइ पाएको !
भोको छ कि अनिदो कत्ति चिन्ता लिंदैन मोबाइलको भाँडोले बस्न खान दिंदैन !
ताराबाजी लै लै !
हराए छ थै थै ?
खोजीनीति खै खै ?
मामा घोडा चढ्दैनन्
बस्छन् बरु थपक्क
माइजू डोली चढ्दिनन्
हुन्छ अरे हपक्क !
मामा आए बाइकमा
माइजू आइन् अटोमा
मामा माइजू एउटै
हन्छन् मतोजतोमा !
पापा ल्याउँथे ल्याएनन्
पकाउनै भ्याएनन् !
झट्टै किन्न भ्याएछन्
चाउचाउ ल्याएछन् !!
बुबुमाम खाएको
सम्झना छ आएको
आली मुनि सुतेको
सखारैमा उठेको !
भोको छ कि अनिदो
कत्ति चिन्ता लिंदैन
मोबाइलको भाँडोले
बस्न खान दिंदैन !
ऐले हातहातमा
उही नै छ आएको
जो निठुरी उसैले
हाइफाइ पाएको ?
बुटवल
