नेपाली हास्यव्यङ्ग्य अनलाइन पत्रिका

गरेर जोड घटाउ गुणा भाग,
सफल पारेर भित्री मेलमिलाप,
केही माथिबाट झरेकाहरू,
कतै दुलोबाट छिरेकाहरू,
म फलानोको फलानो भन्दै,
उचाल्दै अहंकारी पदचाप,
जित्छु- जित्छुको गर्दै जाप,
लाइन अगाडि उभे चुपचाप ।

सत्तालाई ठानेर गुँदपाक,
झुक्याउन ओढे हाम्रै पोशाक
राजनीतिलाई बनाएर मजाक ।
गजब लगाउँदै आए धाक ।
कहिल्यै कतै देखा नपर्नेलाई
मालिक बन्न आएको देख्दा
जनता परे अवाक् !!

तर जनता पनि के कम
भएर उनीसित वाक्क
छोट्याई दिए नाक
लगाइ दिए मज्जाले
के..???
ठ्याक्, ठ्याक् गर्दै ‘घोक्रेठ्याक’ ।

विराटनगर