लक्ष्मण नेवटियारङ् भरौं उमङ्गका २०८३ सालमा
समृद्धि सुन्दर बुन्नु छ सर्वोन्नतिको आकाश छुनु छ। डाँडा र काँडा पल्लवित हुनेछन् उत्साहको स्पर्शले, गौरवान्वित होस् सुन्दर देश यो नववर्षको उत्कर्षले।
लक्ष्मण नेवटिया :
नववर्षको नवद्वारमा पल्लवित प्रकृति छ सत्कारमा,
नवविचारको सारमा अघि बढौं विकासको धारमा।
नवपात सँगै नाचौं हामी पनि अब मादलको तालमा,
नवपात सँगै नाचौं हामी पनि अब मादलको तालमा,
मिलेर रङ् भरौं उमङ्गका दुई हजार तियासी सालमा।
नववर्षमा बहनु पर्छ अब आशाको पवन सुगन्धित,
शान्तिमन्त्र अब सुन्न पाइयोस् सम्भावनाले गुञ्जित।
आशाले लेख्यो उज्यालो गीत हरियालीको पानामा,
मुलुकले ओढ्यो नवसपना नवबसन्तको चाहनामा।
नववर्षमा इन्द्रेणी सजाऔं मुटुको खुला आकाशमा,
सिमलको फूल भै स्पर्श गरौं प्रत्येक हृदय बतासमा।
प्रकृतिलाई साथी बनाई संस्कृतिको मूल जोगाउँछौं,
बाँड्दै खुसी भई विभोर सबैलाई आफ्नो बनाउँछौं।
एकताको सूत्रमा बाँधिएर अब माया-माला उन्नु छ
समृद्धि सुन्दर बुन्नु छ सर्वोन्नतिको आकाश छुनु छ।
डाँडा र काँडा पल्लवित हुनेछन् उत्साहको स्पर्शले,
गौरवान्वित होस् सुन्दर देश यो नववर्षको उत्कर्षले।
०००
विराटनगर
Subscribe
Login
0 Comments
Oldest
