लक्ष्मण नेवटियाम हुँ अक्षरको किसान
त्यहीँ उमार्छु स्वप्न, फक्रन्छन् पंक्तिमय शब्दका फूलहरू। म हुँ अक्षरको किसान, कागजको खेतमा रहेर मौन, शब्द रोप्छु -नि:शब्द !!
लक्ष्मण नेवटिया :
म हुँ अक्षरको किसान,
कागजको खेतमा
शब्द रोपिरहन्छु ,
जोतिरहन्छु विचार।
कहिले आनन्द,
कहिले वेदनाको मल छर्छु।
कलम हो मेरो हलो,
स्याही मेरो पसिना।
कहिले सुखको बतास चल्छ,t
कहिले दुःखको हुरी,
तर म अडिग उभिरहन्छु।
मौसम बदलिन्छ समयसँगै,
तर मेरो रोपाइँ रोकिन्न।
झरी परे झन् हाँस्छ
सृजनाको त्यो मेरो खेत।
गोड्छु भ्रमका झारहरू,
सिँचाइ गर्छु प्रेमिल अनुभूतिले।
त्यहीँ उमार्छु स्वप्न,
फक्रन्छन् पंक्तिमय शब्दका फूलहरू।
म हुँ अक्षरको किसान,
कागजको खेतमा
रहेर मौन, शब्द रोप्छु -नि:शब्द !!
०००
विराटगर
Subscribe
Login
0 Comments
Oldest
