नेपाली हास्यव्यङ्ग्य अनलाइन पत्रिका

विनोद खनाल :

१. सुन्दरे ईसतोत्र

खुइलिएको तालु हेर्दा लाग्छ ऐना जस्तो,
सिन्का जस्तो हात लामु मासु छैन जस्तो ।
जुँघा रछन कैला कैला हाब्रे मुख माथि,
ढाड कुप्रो परेको छ,कुखुरे त्यो छाती ॥

जीउ तिम्रो भाटो जस्तो बोली लट्याङ्ग्रो छ,
निधार चैं बाँदरको झैं आँखा बल्ड्याङ्ग्रो छ ।
औंला रछन अदुवा झैं, सुकेको त्यो गाला,
जीउभरि नशै नशा, सेतो दुबी छाला ॥

भुँडी तिम्रो घ्याम्पो जत्रो, सिसिलखुट्टी खुट्टा,
मान्छे हेर्दा अति सुन्दर, डढे जस्तो ठुटा ।
यस्तो हेन्डसम सुन्दरेको वणर्न गर्नु कति !
सुन्दरेजी घरमा बस्दा बाल्नै पर्दैन बत्ती ॥

२. सुन्दरी ईसतोत्र

ओडार जत्रो मुख तिम्रो लौका जत्रो नाक,
फर्सी जत्रो स्तन तिम्रो घ्याम्पो जत्रो चाक ।
आँखा तिम्रो गोलभेंडा झै तार जस्तो केस,
हिलटेक जत्रो जीउ तिम्रो कटर जस्तो फेस ॥

उछिट्टिएका दाँत तिम्रा च्याउ जस्ता कान,
पुरेतले जुराएको ढालमाया नाम ।
मैसासुरसित तिम्रो परेछ है लभ,
तिम्रो रुप देख्दाखेरि दङ्ग पर्छन् सब ॥

यस्ती राम्री सुन्दरीको वणर्न अति गर्छु,
तिमीलाई पाइन भने डाडुमा डुबी मर्छु ॥

०००
धुलाबारी, झापा