नेपाली हास्यव्यङ्ग्य अनलाइन पत्रिका

भोलानाथ सुवेदी :

हामीले ढाड कन्याएको
नलीखुट्टो र पाँसुला कन्याएको
त्यो बारीका पाटाको मकैको
खोयो ठुलो भएछ
गर्धन कन्याउन पुगेछ
ईश्वरले दिएपछि कसको के लाग्छ
खोयाको नि दिन आउँदाे रहेछ
हिजोअस्ति
काम नलाग्ने खोया हुन्थ्यो
नाममा पनि बिर्के हुन्थ्यो
यसले प्रगति छिट्टै गरेछ
अध्ययन अनुसन्धानको
विषय परेछ
भोलिबाट खोयाको अभाव हुनेछ
आयात निर्यातको बजार हुनेछ
खोयामा कालोबजारी पक्कै हुन्छ
घरमा खोया राखे जेल जानुपर्छ
बजारमा खोयाको हारालुछ होला
खोया नाश गर्नेको मन साह्रै रोला ।

०००
(९८४३०५४१६१)