नेपाली हास्यव्यङ्ग्य अनलाइन पत्रिका

इन्दिरा प्रयास :

तिमी मस्त बस्ने यता सेतु खस्ने
त्यही सेतुमा नै कठै पाल्तु फस्ने
दुख्यो दृष्टि पर्दा कसाेरी म लेखूँ
यहीं सेतुबाटै कु-नेता घचेटूँ !!

तिमी हिँड्न राताे छ कार्पेट साथै
कि ता कल्पनामा बन्यो सेतु आजै
कतै मार्ग छैनन् बन्याे व्यर्थ सेतु
यहीं सेतुबाटै कु-नेता घचेटूँ !!

फकायाै हिजो ती डुली गाउँ बस्ती
छुटे काम धन्दा गरी माेज मस्ती
बन्याै भ्रष्टचारी अझै प्रष्ट देखूँ
यहीं सेतुबाटै कु-नेता घचेटूँ !!

कता सेतु हाल्ने कता मार्ग टाल्ने
बिछट्टै अधर्मी बन्याै के सँगाल्ने
निकम्मा रहेको त्यो मान्छे दपेटूँ
त्यही सेतुबाटै कु-नेता घँचेटूँ !!

कलाकार नेता कला छन् अनाैठा
यता बाेल्छ कुर्सी उता दुख्छ औँठा
धराधाम पुज्ने कुनै पात्र भेटूँ
यहीं सेतुबाटै कु-नेता घचेटूँ !!

०००
सानाेठिमी, भक्तपुर