सुभाषचन्द्र देवकाेटाचोर पनि यिनै हुन्
आकाशमा चिल देखाएर भुइँको कुखुरा सोहर्ने पनि यिनै हुन् । जति खाए पनि नअघाउने खन्चुवाहरू पनि यिनै हुन् । अर्कालाई औलो ठड्याएर, लुट्ने पनि यिनै हुन् ।
सुभाषचन्द्र देवकोटा :
खाने पनि यिनै हुन
नाघाउने पनि यिनै हुन्
चोर, चोर भनेर कराउने पनि यिनै हुन् ।
चोर पनि यिनै हुन् ।
स्याल र कुखुराको कथा जस्तो
आकासमा चील देखाएर
कुखुरा चोर्ने पनि यिनै हुन्
ठगको कथा सुनाएर
सोझा जनता लुट्ने पनि यिनै हुन् ।
रङ्ग फरक भए पनि
ढङ्ग फरक भए पनि
मूल धमिलो बनाएर
पाठोको घाँटी निमोठ्ने
चितुवा पनि यिनै हुन् ।
आकाशमा चिल देखाएर
भुइँको कुखुरा सोहर्ने पनि यिनै हुन् ।
जति खाए पनि नअघाउने
खन्चुवाहरू पनि यिनै हुन् ।
अर्कालाई औलो ठड्याएर,
लुट्ने पनि यिनै हुन् ।
चोर, चोर भनेर कराउने पनि यी नै हुन्
चोर्ने पनि यिनै हुन् ।
०००
गोरखा, हाल काठमाडौं
Subscribe
Login
0 Comments
Oldest
