नेपाली हास्यव्यङ्ग्य अनलाइन पत्रिका

जगदीश्ववर पाेखरेल :

स्वर्ग तुल्यको पूण्य भूमि हो ।
भ्रष्टवादले भासिँदै गयो ।।
बुद्धिहीनको दास सोच छ ।
वर्तमानमा भुक्तमान छ ।।१

लुट्न खानमा शान ठान्दछन् ।
शत्रु साथमा राख्न जान्दछन् ।।
मान खस्कियो दुष्ट हात छ ।
वर्तमानमा भुक्तमान छ ।।२

भोक रोगले ग्रस्त छन् सबै ।
छैन औषधी बस्दछन् रुँदै ।।
भ्रष्ट पक्षको साँठगाँठ छ ।
वर्तमानमा भुक्तमान छ ।।३

चेतना दियो बाल्न पर्दथ्यो ।
देशमा मियो योग्य चाहियो ।।
भ्रष्ट नाइके कष्ट मात्र छ ।
वर्तमानमा भुक्तमान छ ।।४

राष्ट्र भावना छैन आँतमा ।
आर्तको जुनी जल्छ रातमा ।।
न्याय मासियो लात घात छ ।
वर्तमानमा भुक्तमान छ ।।५

०००

पाउँदीबजार, लमजुङ
सम्प्रति-सन्तोषीनगर, कलङ्की