डा. लोकेन्द्रप्रसाद पौड्यालनेता बन्ने रहर
खुशी लाग्छ नेता भइँन व्यर्थ मान खोज्ने राम्रै विचार पुर्याएछु सरल जीवन रोज्ने । जे जस्तो छु सामान्य छु राम्रै टार्छु दिन छैन मलाई गाली खानु नेता झैं छिनछीन ।
डा. लोकेन्द्रप्रसाद पौड्याल :
कलेज पढ्दा नेता बन्ने
मैले रहर पालेँ
तर पछि मन बद्लियो
अनि अठोट फालेँ ।
अहिले लाग्छ राम्रै गरेँ
त्यो भारि नबोक्न
नत्र गाह्रो पर्ने रैछ
विकृतिलाई रोक्न ।
अहिले मलाई प्रष्ट बोल्न
सङ्कोच रहँदैन
नचाहिँदो वाचा दिने
पार्टीे करकाप छैन ।
पिर्के सलाम वास्ता छैन
कहीँ कतैबाट
न त मञ्च चढ्नु नै छ
छाता ओडाई साथ ।
खुशी लाग्छ नेता भइँन
व्यर्थ मान खोज्ने
राम्रै विचार पुर्याएछु
सरल जीवन रोज्ने ।
जे जस्तो छु सामान्य छु
राम्रै टार्छु दिन
छैन मलाई गाली खानु
नेता झैं छिनछीन ।
समाजले रुचाकै छ
राम्रै मित्र मान्न
यत्तिभए के पो खोज्नु
शान्त जीवन धान्न ? ॥
०००
काठमाडौं
वाह, कविजी!