नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्‌याल :

परिवर्तित समयकोे
अवस्थाको गिन्ती
अनुभवी मनभित्र
कुरा अनगिन्ती

पहिले हुन्थ्यो शुद्ध मनले
धार्मिक पूजाआजा
हिजोआज फल खोजिन्छ
हात्‌हातै ताजा

पहिले पूज्थे गणेशजीलाई
ठुलो भूूँडी मानमा
आजकाल हुन्छ भूूँडी पूजा
ओहदाको शानमा

पहिले गन्थे सज्जन संख्या
पाप र धर्म छान्दै
आजकाल त गनिन्छ धन
लाजै नमान्दै

पहिले मान्थे सरस्वती
पढ्‌दै अघि बढ्‌न
अहिले खोज्छन् फर्जी कागज
लोकसेवा लड्‌न

“वसुुधैव कुुटुुम्वकम”
पहिले थिए नारा
आजकाल त बेईमानीका
मतियार छन प्यारा ॥

०००
काठमाडौं