नेपाली हास्यव्यङ्ग्य अनलाइन पत्रिका

ई. कुमार खड्का :

हत्यारा र बलात्कारी ठडिन्छन् यहाँ निरन्तर
विचारको दरिद्रता नभुकेको कहाँ छ र ?

दुर्गन्ध सामान्य हुन्छ फस्दा नालिको भासमा
सुगन्धको अर्थ हुन्न, बिना लाभमा जन्मान्तर ।

व्रत पनि कहाँ हुन्छ ? गिद्धले सिनो नछुने
मान्छेपिच्छे चेतनास्तर बराबरी कहाँ छ र ?

धूर्त, मनुवा बेकारमा पसिना किन काट्दछ ?
ठगेर नपाइदा चास्नी चाट्ने कसरी अभ्यन्तर ?

मूर्तीभै ढुङ्गा कुँदिन्छ र ? मनगढन्ते सोचले
निरक्षरले चलेकैछ विज्ञ किन चाहिन्छ र ?

पुस्तान्तरणमा कामिनी तपोबल हुन् आखिर
जन्म, पालपोष गर्नु आमाभै कर्म निरन्तर ।

यश, ऐश्वर्य, सुखभोग मिल्छ भने अविरल
अज्ञानीभै मूर्खको लात्ती सहनु छ कालन्तर ।?

०००
आलापोट, काठमाडाैं ।