नेपाली हास्यव्यङ्ग्य अनलाइन पत्रिका

रामदेव पाण्डे :

सर्प हो या मुसा जिउँदो
मार्छ जसले खोजी खोजी
मूर्तिलाई तिनै जातको
गर्छ पूजा रोजी रोजी
मरुन् भन्ने गरे पनि
बुबा आमा जीवित हुँदा
दुनियाँले देख्छ नि त
मूर्तिअघि बसी रुँदा
भोकै नाङ्गै राखे पनि
जिउँदा बाउआमालाई
पिण्ड दिई मरेपछि
वैतरिणी तार्नु पर्छ
मान्छे जीवित छँदासम्म
छिर्के हानी लडाए पनि
लासलाई काँध दिई
सबलाई छक्क पार्नु पर्छ
बोक्रो चिल्लो पार्नु पर्छ
भित्र फल कुहेको होस्
स्वार्थी मान्छे तेरो पनि
मरेपछि जय जय होओस् !

०००
काठमाडाैं