रामप्रसाद पन्थीराजा अब आए हुन्छ
पूर्व राजा राख्ने मेराे बानी पनि छैन वर्तमान राजासँग लिन्छु सुख चैन । यसाे भनी जिद्दी गर्दा दुःख पाएँ जैले पूर्वसितै घरजम गरूँ कि त मैले ?
रामप्रसाद पन्थी :
थिएँ हिजाे राजावादी मैले राजा मान्थेँ
प्रिय थिए मेरा राजा देवता नै ठान्थेँ ।
राजा तिमी साथ हुँदा म नि ढुक्क थिएँ
तिम्रै पाउ पुजी ढाेगी सुखसित जिएँ ।
मुटुभित्र सजाएर राखेँ मेरा राजै
तिम्रै लागि व्रत बसेँ छाेडी कामकाजै ।
आनन्दका थिए दिन कता के के भयाे
तिमीलाई पनि किन कस्ताे मात चढ्दै गयाे ?
तिमी पनि साँढे भयाै परिवार भित्र
मैले राेजेँ छाेडपत्र दिने मार्ग चित्र ।
आवेगमा मैले भने घर छाेडी हाल
छाेडीदिएँ राजा मेरा ताेडे माया जाल ।
तिम्रै बानी बिग्रिएर आफै भयाै पर
भन्छाै अरे अब आफ्नै फर्किने हाे घर !
पूर्व राजा राख्ने मेराे बानी पनि छैन
वर्तमान राजासँग लिन्छु सुख चैन ।
यसाे भनी जिद्दी गर्दा दुःख पाएँ जैले
पूर्वसितै घरजम गरूँ कि त मैले ?
लाै न कसाे गर्ने हाेला भन सँगी साथी
आमाबाबु भन्न थाले पूर्व ज्वाइँ जाती ।
छाेड्या बाउ हुँदैहुन्न उता छाेरा भन्छन् ।
छिटै घर आऊ बाउ भन्दै छाेरी रून्छन् ।
नारी मन कमलाे छ घरी घरी रून्छ
रानी भन्ने मेराे राजा अब आए हुन्छ ।
०००
रेसुङ्गा न पा २, गुल्मी
२०८१।१२।९
सान्दर्भिक सिर्जना 🙏👏