सुभाषचन्द्र देवकाेटाहाम्रो चलन
बाँचुन्जेल कहिले मर्ला भन्यो मरेको दिन डाँको छोडेर रोयो । बाँचुन्जेल पिठ्यु फर्कायो मरेको दिन अघि लगायो।
सुभाषचन्द्र देवकाेटा :
बाँचुन्जेल धारे हात लगायो,
मरेको दिन आँसु चुहायो।
बाँचुन्जेल खेदो खन्यो
मरेको दिन गुनगान गायो।
बाँचुन्जेल खुट्टा तान्यो
मरेको दिन फूल चडायो।
बाँचुन्जेल साथ छोड्यो
मरेको दिन मलामी गयो।
बाँचुन्जेल लखेट्यो
मरेको दिन काँध हाल्यो।
बाँचुन्जेल कहिले मर्ला भन्यो
मरेको दिन डाँको छोडेर रोयो ।
बाँचुन्जेल पिठ्यु फर्कायो
मरेको दिन अघि लगायो।
०००
गाेरखा
Subscribe
Login
0 Comments
Oldest
