रामप्रसाद पन्थीकिन खाने खिर ?
पक्रिएला थुनिएला छैन कुनै डर पुलिसकाे थाना आफ्नै साख्खे मामाघर । नेताजी नि आफ्नै मान्छे बाेकेकै हाे झाेला खिर दिवस् मानाैं साथी जे जे भए हाेला !
रामप्रसाद पन्थी :
भैंसी बाँध्ने भकरा नि रित्ता हुँदै गए
दूध दिने भैंसी जति मम बन्ने भए ।
बाबु भन्छ गल्याे जिउ भन केले लाग्छ
छाेराे गई भट्टीतिर छाङ रक्सी चाख्छ ।
दूध घिउ चिनी खाेज्ने किन गर्ने टन्टा
हेर्न पनि मन छैन कबलीका मन्टा ।
आगाे बाल बाेकाे ढाल खाेजी हाल झिर
रक्सी मासु खानु पर्छ किन खाने खिर ?
साउनकाे पन्ध्र भन्छन् खिर खाने दिन
खिरै खाने भए भाइ हाेटलमा हिन ।
खिरसित खानु पर्छ सुकुटी र मासु
खुसी हुँदै खान दिन्छिन् हाेटलकी सासू ।
खिर खाई पिर जान्न भन्छ कान्छाे सालाे
खान्न खान्न भन्दा भन्दै सिसि चार ढालाे ।
नलागेमा नसा थप तानिदेऊ हुक्का
पैसा मागे साहुजीले हानिदेऊ मुक्का ।
पक्रिएला थुनिएला छैन कुनै डर
पुलिसकाे थाना आफ्नै साख्खे मामाघर ।
नेताजी नि आफ्नै मान्छे बाेकेकै हाे झाेला
खिर दिवस् मानाैं साथी जे जे भए हाेला !
०००
मिति २०८२।०४।१४
रेसुङ्गा न पा २ , गुल्मी
खिर दिवसको शुभकामना सर। आउनुस कवलीका मुटा र खिर संगै खाऔंला।