नेपाली हास्यव्यङ्ग्य अनलाइन पत्रिका

भाेलानाथ सुवेदी :

कसले आदेश दियो
त्यो पनि थाहा छैन
गोली कसले चलायो
त्यो पनि थाहा छैन
सडकमा को आयो
त्यो पनि थाहा छैन
आन्दोलन किन भयो
त्यो पनि थाहा छैन
सरकार कसको थियो
त्यो पनि थाहा छैन
भागेर को हिँड्यो
त्यो पनि थाहा छैन
तपाईँ भन्दामाथि को थियो
त्यो पनि थाहा छैन
तपाईँ को हो
त्यो पनि थाहा छैन
केही थाहा नहुनेहरू
आजसम्म सरकारमा रहेछन्
तिनीहरूलाई
भ्रष्टाचार पनि थाहा थिएन
बेइमानी पनि थाहा थिएन
अहङ्कार अहमता पनि थाहा थिएन
रातिको सपनाले
दिनभर बरबराएको
कुरा थाहा थिएन
केही थाहा नभएका उनीहरूलाई
देश थाहा थिएन
जनता थाहा थिएन
उनीहरुलाई आफ्नो गल्ती थाहा थिएन
गल्ती गरेपछि
माफ माग्नुपर्ने कुरा थाहा थिएन
हो उनीहरुलाई
केही थाहा थिएन ।

०००
(९८४३०५४१६१)