नेपाली हास्यव्यङ्ग्य अनलाइन पत्रिका

रामप्रसाद पन्थी :

ढल्दाे रैछ सत्ता पनि निरङ्कुश बनेपछि
खाल्टाेभित्र पुग्याै आफै आफूले नै खनेपछि ।

अबाेध ती बालकको हत्या गर्ने हातहरू
कस्ताे लाग्याे चाख्याै कि त जनताका लातहरू ।

दम्भ खुबै थियाे हिजाे अजम्बरी म छु भन्थ्याै
रगतकाे आहालमा ढुकुटीकाे धन गन्थ्याै ।

अति भए खति हुन्छ भन्थे हाम्रा बुढापाका
अत्याचारी आततायी भयाै कि त लाखापाखा ?

तिम्रै कारण् आगाे बल्याे विनास भाे देशैभर
छिन्न भिन्न भयाे सत्ता टिकेन त्याे रत्तिभर ।

भष्ट्राचार गरी गरी कमाएकाे कालाे धन
खरानीकाे थुप्राेसरि हुँदा कस्ताे भयाे मन ?

धुरीबाट कराएकाे पाप भयाे छताछुल्ल
नसाेचेकाे घटानाले पार्याे आज रनभुल्ल ।

चाटुकार झाेले चम्चे बफादार कार्यकर्ता
दुलाभित्र कहाँ पसे तिमीलाई आज पर्दा ?

भदाै तेईस् कालाे दिन दाेहाेरिनु हुन्न अब
चाैबीसकाे भयावह इतिहास बुझाैं सब ।

दिवंगत दिव्य आत्मा वैकुण्ठमा बास पाऊन्
घाेर पापी नराधम कुम्भीपाक परी जाऊन् ।

शब्दरूपी पुष्प गुच्छा श्रद्धाञ्जली व्यक्त गर्छु
वीरगति प्राप्त गर्ने याेद्भालाई श्रद्धा गर्छु ।

बुद्ध भूमि नेपालमा रक्तपात नहाेस् अब ।
शान्तिप्रिय नेपाली हाे शान्तिदीप बालाैं सब ।

आक्राेशले देशै जल्याे जल्नु हुन्न अब केही
सबै सामु हात जाेडी अनुरोध गर्छु यहीँ ।

०००
२०८२ भाद्र २४