नेपाली हास्यव्यङ्ग्य अनलाइन पत्रिका

हरिप्रसाद घिमिरे :

सिकर्मीको घर हेर छानु चुहिएको
डकर्मीको गाह्रो लड्यो शिर नुहिएको
किसानको घर भित्र अन्न छैन खान
बाँझै हुन्छन् खेतबारी कस्तो अभिमान।।

घर बनाउँछन् इन्जिनियर भूकम्पमा ढल्छ
डाक्टरको उपचारले बिरामी नै मर्छ
ज्योतिषीका छोरीहरू विधवा छन् किन
पुराेहित रक्सी तान्छन् भट्टि जान्छन् लिन।।

कविहरू कविता न्नै चोर्न थालिसके
बेरोजगारी हुने घर फोर्न थालिसके
व्यापारीले कसम खाँदै जनतालाई ठगे
चकित पर्न पर्दोरैछ उल्टो नदी बगे।।

शिक्षकले कमाउन ट्युसन् पढाएका
परीक्षामा नम्बर थपी किन चढाएका
अनुगमन गर्ने बसी टि ए डि ए खाने
देशमा बिक्न नसक्नेले भन्छ विदेश जाने ।।

उद्योगपति बेच्न थाले उद्योगको थलो
ठेकेदारले गर्न छोडे किन देशको भलो
राष्ट्रघाती सन्धि गरी नेता कमाउँछन्
कर्मचारी घुस खान पाए रमाउँछन्।।

पुलिसले गुण्डासित मिल्छन् बाँडी खान
ड्राइभरले किन राख्थ्यो खलासीको मान
हेलिकप्टर जलाउँछन् पहाडमा ठोसी
नेताजीले काली गण्डक् किन बेचे कोशी।।

कलाकार भएपछि दुइटा घरबार हुन्छ्न्
खरदारको राजधानीमा धेरै दरबार हुन्छन्
मासु बेच्ने कसाइले पाठी बेच्छन् टाठा
उद्योग बेची खाने नेता कति धेरै बाठा ।।

०००
काठमाडाैं