नेपाली हास्यव्यङ्ग्य अनलाइन पत्रिका

होमनाथ घिमिरे :

यौटा हिन्दु जलाइयो सडकमा बोल्दैन नेता किन !
चाहे हुन् दल पत्रकार कवि वा विद्वान् गुणी सज्जन !
तिम्रो मानवता कहाँ छ अहिले दुख्दैन आत्मा बरु !
बेच्यौ धर्म यहाँ दलाल दल हौ नेता निकम्माहरू ?

टाढा छैन छिमेकको मुलुकमा हत्या र हिंसा बढ्यो !
अर्कै धर्म भनेर भेद गरियो मस्तिष्क मान्छे सड्यो ।
बोल्दैनन् किन आज क्रिश्चियनका बोल्ने र लेख्नेहरू !
के गर्छौ अहिले विरोध त्यसको ढोँगी मगन्तेहरू ?

लेख्दैनन् घटना अझै कवि यहाँ अन्याय यो बर्बर !
देख्दैनन् किन पत्रकार अहिले बीभत्स हत्या तर !
आफ्नैमात्र बखान नित्य छ यहाँ गर्छौ प्रशंसा अरू ?
खाँदैछौ कसरी अझै डलर त्यो हे दुष्ट पापीहरू ।

बङ्लादेश जल्यो जल्यो मुलुक त्यो जो हिन्दु हुन् मारिए !
के होला अब भोलि यो असरले नेपाल जल्दै गए ???
भाँड्दैछौ किन साम्प्रदाय यसरी सद्भाव हाम्रो बरु !
बेच्छौ राष्ट्र समेत नागरिकको नेपाल बेच्नेहरू !

सारा जीव जगत् समान छ भनी वेदान्तले बोल्दछ !
यौटै धर्म परोपकार छ भनी माहात्म्यले खोल्दछ !
यौटै हौँ; समदृष्टि भाव छ सधै बन्धुत्व मान्छौँ अरू !
हौ राक्षस ; निष्कलङ्क नरको मा-यौ तिमीले बरु !

फाल्यौ मन्दिर; मूर्ति; संस्कृति सबै संस्कार आस्था सब !
ढाल्यौ स्वत्त्व समेत राष्ट्र गरिमा हाम्रा सबै गौरव !
जल्नेछौ; तर राष्ट्रको दहनमा हाँस्यौ रमायौ बरु !
जान्यौँ नाटक त्यो सबै विगतको पापिष्ट द्रोहीहरू !

०००
भरतपुर चितवन !
९ पौष, २०८२