जाऊ जाऊ जाऊ

जाऊ जाऊ जाऊ

चुनावको केरा अब बोक्रैसँग खाऊ जाऊ ज्वाइँ जाऊ छिटो माथि जाऊ । ढिलो हुन थालिसक्यो छिटो माथि जाऊ सालीलाई लैजाऊ ।

होम सुवेदी

हाेम सुवेदी :

जाऊ ज्वाइँ जाऊ
छिटो माथि जाऊ
जित्यौ चुनाउ
फेरि आयो दाउ
तिम्रो भयो भाउ
आज सम्म गाउँ खायौ
अब देश खाऊ ।

जाऊ ज्वाइँ जाऊ
छिटो माथि जाऊ
मोज गर्न जाऊ
भोज खान जाऊ
तर मार्न जाऊ
तिमीलाई छुन सक्ने
कस्को बाउ ?
जाऊ ज्वाइँ जाऊ
ससुराली खाएका थ्यौ
अब देश खाऊ
जाउ जाऊ ज्वाइँ जाऊ
छिटो माथि जाऊ ।
गाउँ मात्र खाएका थ्यौ
अब देशै खाऊ ।

जाऊ ज्वाइँ जाऊ
छिटो माथि जाऊ
जित्यौ चुनाउ
फेरि आयो दाउ
जनतालाई देखाउन
सम्विधान कसम
खाएकै भोलिपल्ट
सम्विधान डढाऊ ।
नसक्ने नै भएदेखि
जुलुस लिई आऊ
मुन्द्रेहरु अघि लगाई
टायर बाल्न जाऊ
सक्छौ भने चाँडो चाँडो
घर बनाऊ
सोचे जस्तो भएन कि
टायर लाल्न जाऊ
जाऊ ज्वाइँ जाऊ
छिटो माथि जाऊ
जित्यौ चुनाउ
फेरि आयो दाउ
चुनावको केरा अब
बोक्रैसँग खाऊ
जाऊ ज्वाइँ जाऊ
छिटो माथि जाऊ ।
ढिलो हुन थालिसक्यो
छिटो माथि जाऊ
सालीलाई लैजाऊ ।