नेपाली हास्यव्यङ्ग्य अनलाइन पत्रिका

काँक्रोभन्दा घिरौँलाको मूल्य बुझेर रोपियो
उम्रियो लाइयो थाङ्ग्रो जरा छेलेर छोपियो

झ्याम्मै लहरियो झट्टै फुल्यो फल्न सुरु गर्यो
फुल्यो बढ्यो निकै चाँडो रमिता भो घिरौँलियो

कति बढ्छ बढोस् भन्दै सिका लाएर राखियो
कतिलाई घिरौँलाको स्वरुप हेर्न डाकियो

आशलाग्दो अरुथोक केही थिएन साथमा
घिरौँलो हुनुको गर्व चुलियो ! नित्य गाथमा

पाकेझैँ लाग्न थालेर सारा पाहुना डाकियो
घिरौँलो टिपियो खान ठूलो हल्ला फिँजाइयो

टिपेर थालियो फोर्न रमिते घेरो लाइयो
बियाँबोक्रा र जालो सञ्जल मात्र पाइयो ।
पाँचथर