नेपाली हास्यव्यङ्ग्य अनलाइन पत्रिका

ईश्वर देख भक्तसँग
बस्छन् हाम्रो काठमाडौंमा
पानी मात्र हैन मिनरल वाटर ट्याङ्कीहरू
धेरै पाइन्छ हाम्रो काठमाडौमा
चौहत्तर जिल्लाका अनेक जात
अट्छन् यै काठमाडौंमा ।

सफा जति गरे पनि फोहर गर्ने
बानी भएका आउँछन् काठमाडौंमा
गाउँका पुतलीहरू भेष बदल्छन्
पिङ्की बन्छन् यही काठमाडौंमा
गाउँबेसी गरीगरी आएर
मस्त नाच्छन् यै काठमाडौंमा
ऊनदेखि सुनसम्मको बिजनेस
गर्न आउँछन् हाम्रै काठमाडौंमा ।

वडा सदस्य हारेकाहरू
सासंद बनी आउँछन् यै काठमाडौंमा
पशुपति र स्वयम्भुमात्र हैन
बूढानीलकण्ठ र कृष्ण मन्दिर
छ यही काठमाडौंमा
त्यसैले कसैले पनि नभने हुन्छ
बिग्रे तिम्रो, बने मेरो काठमाडौं ।

तर म गर्वका साथ भन्छु
हाम्रो पौरख हाम्रो गौरब काठमाडौं
बर्खा लाग्यो हिलै हिलो
हिउँद लाग्यो धुलै धुलो
क्या हराभरा, सफासग्घर हाम्रो काठमाडौ ।

काठमाडौं