जीवनपानीपुरानो हिसाब–किताव
पुरानो हिसाब–किताव, बाँकी रहेको छ पक्कै
साँवाले भन्दा दुनियाँ, ब्याजले मरेको छ पक्कै ।
समयको घनत्व हेर्दा, यस्तो लाग्छ आजभोलि
पानीमा तेल डुबेर, ढुङ्गा बगेको छ पक्कै ।
फुल्दैनथे यति राम्रा फूल, यो बन्जर भूमिमा
मालीले घामपानी, सहनु सहेको छ पक्कै ।
मन्दिरमा कालिका निकै विचलित भएकी छिन्
कोही आफ्नै टाउको चढाउन गएको छ पक्कै ।
पानी बाहिर बसेका छन् माछा माझीको साथ
पानीमा भित्र केही न केही त भएको छ पक्कै ।
Subscribe
Login
0 Comments
Oldest
