नेपाली हास्यव्यङ्ग्य अनलाइन पत्रिका

चहमा चह रिँगटै लाग्ने घुमने कुर्सीले
कुर्सीमा बसी हप्काउँछ सँधै त्यही डल्ले फर्सीले
आफू हजुर साह्रै नै हेन्सम,
फर्सीज्यूलाई परेछ टेन्सन ।

शक्तिको सत्ता भक्तिको भत्ता गोलभेँडा जस्ता आँखा
बेढङ्गे झाँेकमा ढोडको तोक्मा, मिलाउन खोज्छ भाका
जोरी नखोज चौका दाउ पारौँला,
आङ्कुसेले तानेर झारौँला ।

ननिल्न सक्नु नफाल्न सक्नु अड्कियो नोकरी
कन्टेनर भयो डङ्गै गनायो फोहोरको टोकरी
बाहिरै कालो भित्र नै कालो,
को छ हजुर ऊ जस्तो उज्यालो ।

मोहनी लाउने सुरा सुन्दरी डलर कुर्सीले
औँसिया पार्यो बरबरी झर्यो कुहिएको फर्सीले
बिना सिजन चाडबाडै मनायो,
कुर्सीमाथि भ्रष्टाचार गनायो ।

आठराई