नेपाली हास्यव्यङ्ग्य अनलाइन पत्रिका

लेख्न भनी आँटेकै हो संविधान नासो
पहिले पहिले के भनियो अहिले गलापासो ।
युक्रेनको भूत नाच्छ लेख्न सक्नेलाई
जम्बुकाश्मिर, सिक्किम छ देख्न सक्नेलाई ।

नलेखेर आकाश पनि खस्ने हैन क्यारे
लेखे पनि स्वीट्जरल्याण्ड पस्ने हैन क्यारे ।
नलेखेको भन्दै व्यर्थै किन ग¥या शोक
फेरि अर्को चुनावमा देखाउँला झोक ।

हामी जान्छौं विदेशमा उपचार गर्न
विरामी चाहिँ नहोऊ लोक पर्ला यसै मर्न ।
हाम्रो जन्ता भएपछि मान्नु कुरा हाम्रो
धरोधर्म लेख्न भन्दा नलेखेकै राम्रो ।

धादिङ